იმერული ხაჭაპური, გორული კატლეტი, ჭყინტი ყველი – გიორგი კანდელაკის რესტორანში, გორში, არჩევნების წინაღამეს ამ პროდუქტების დაფასოება და ულუფებად გადანაწილება მედიამ გადაიღო.
როგორც რესტორნის წარმომადგენელი აცხადებს, ეს პროდუქტი გაჭირვებულ ხალხს უნდა დაურიგონ, თუმცა ის ვერ ან არ აკონკრეტებს, რატომ ემთხვევა ეს სამზადისი ადგილობრივი თვითმმართველობის არჩევნებს.
ვიდეომასალა ადგილზე “ქართლი.ჯიმ” გადაიღო. ინტერვიუდან ირკვევა, რომ რესტორნის წარმომადგენელი ამ სამზადისსა და მის მიერ დაგეგმილ დახმარებას კანონდარღვევად არ მიიჩნევს.