საქართველოში ამ დროისთვის ცნობილია სამი ეგზიტპოლის შედეგები. ეგზიტპოლის შედეგები “გორბმა”, “იფსოს გლობალმა” და “ედისონ რისერჩმა” გამოაქვეყნეს. სამივე ორგანიზაციას ეგზიტპოლები ტელემაუწყებლებმა დაუკვეთეს: “გორბის” დამკვეთი ტელეკომპანია “იმედი” იყო, “იფსოსის” – “მთავარი არხი”, ხოლო “ედისონ რისერჩის” – ტვ ფორმულა.

ეგზიტპოლები ასახავს თბილისში არსებულ მდგომარეობას 17:00 საათისთვის. ამასთან, ამ დროისთვის ცნობილია როგორც პროპორციული სისტემის შედეგები, ასევე თბილისის მერობის კანდიდატთა სავარაუდო პროცენტული მაჩვენებლები.

აღსანიშნავია, რომ სამივე ეგზიტპოლის მიხედვით, პროპორციული სისტემით, გამარჯვება “ქართულმა ოცნებამ” მოიპოვა.

“გორბის” (ტვ იმედი) ეგზიტპოლის შედეგები:

“ქართული ოცნება” – 47,6%;
“ნაციონალური მოძრაობა” – 27,1%;
“საქართველოსთვის” – 6,8%;
“გირჩი-მეტი თავისუფლება” -2,8%;
“ევროპული საქართველო” – 2,6%.

იფსოს გლობალი (მთავარი არხი)

“ქართული ოცნება” – 38,6%;
“ნაციონალური მოძრაობა” – 33%;
“საქართველოსთვის” – 7,6%
“გირჩი-მეტი თავისუფლება” – 4,8%
“ლელო” – 4%.

“ედისონ რისერჩი” (ფორმულა)

“ქართული ოცნება” – 46%;
“ნაციონალური მოძრაობა” – 33%;
“საქართველოსთვის” – 6%;
“გირჩი-მეტი თავისუფლება”, “ლელო”, “ევროპული საქართველო” – 2%.