არჩევნების დასრულების შემდეგ პირველი ბრიფინგი ჩატარდა ცენტრალურ საარჩევნო კომისიაში. ცესკოს ცნობით, არჩევნებში მონაწილეობა მიიღო მილიონ რვაას თხუთმეტი ათასზე მეტმა მოქალაქემ, რაც ამომრჩეველთა საერთო რიცხვის 51%-ია.
ცესკოში გამართულ ბრიფინგზე, ასევე ითქვა, რომ რამდენიმე უბნიდან უკვე შემოსულია შემაჯამებელი ოქმი, რომელიც ატვირთულია ცესკოს ვებგვერდზე.
ცესკოს პრესმდივანმა ბრიფინგზე თქვა, რომ როგორც კი შემოსული შემაჯამებელი ოქმების რაოდენობა მიაღწევს იმ მინიმუმს, რაც წლების განმავლობაში არსებული პრაქტიკით, საკმარისია წინასწარი შედეგების გამოსაცხადებლად, ცესკოში გამოცხადდება არჩევნების წინასწარი შედეგები.