საქართველოს მესამე პრეზიდენტი საქართველოშია – ამის შესახებ მიხეილ სააკაშვილმა ფეისბუკზე დაპოსტა. “დილა მშვიდობისა საქართველო. უკვე საქართველოდან 8 წლის შემდეგ“, – წერს სააკაშვილი.
აღსანიშნავია, რომ სააკაშვილის ჩამოსვლასთან დაკავშირებით ინფორმაცია ამ ეტაპზე არ აქვთ შინაგან საქმეთა სამინისტროს პრესსამსახურში. შესაბამისად, უწყებაში კომენტარი ჯერჯერობით არ კეთდება.
სააკაშვილის ჩამოსვლის შესახებ ჯერჯერობით არ იციან არც „ნაციონალურ მოძრაობაში“.
სააკაშვილმა საქართველოში ჩამოსვლის შესახებ რამდენიმე დღის წინ განაცხადა და ავიარეისის ბილეთიც გამოაქვეყნა.
წუხელ ტვ პირველმა გაავრცელა ინფორმაცია იმის შესახებ რომ კიევთან ახლოს, სოფელ ლესნიკებში, მიხეილ სააკაშვილის საცხოვრებელ სახლში მივიდა, თუმცა კარი არავინ გაუღო. ადგილზე მთელი დღეა ჟურნაალისტები მორიგეობენ, თუმცა ის კამერების წინ არ ის გამოჩენილა. “პირველების” ინფორმაციით, გუშინ მიხეილ სააკაშვილი კიევში პრეზიდენტ ვოლოდიმერ ზელენსკის ორგანიზებულ თვითმართველობების ფორუმს უნდა დასწრებოდა, თუმცა დაპირების მიუხედავად, სამთავრობო ღონიძიებაზე არ გამოჩენილა. სააკაშვილის ნაცვლად უკრაინის პრეზიდენტის ღონიძიებას მისი ქართველი თანაგუნდელი, გოგა ცხაკაია დაესწრო.
ყველას, ვისაც მიხეილ სააკაშვილთან პირდაპირი კონტატი აქვს, მისი საქართველოში დაბრუნების გეგმებზე მხოლოდ იმას ამბობს, რომ ის შაბათს სამშობლოში იქნება. შეიცვალა თუ არა მარშრუტი და რომელი სატრანსპორტო საშუალებით აპირებს მიხეილ სააკაშვილი სამშობლოშ ჩამოსვლას, საქართველოს მესამე პრეზიდენტის ახლო გარემოცვა არ აკონრეტებს.
მიხეილ სააკაშვილის ოფისის უკრაინელი ანალიტიკოსები ამბობენ, რომ მას ციხის არ ეშინია და რომ საპატიმრო მისთვის შემაკავებელი ფაქტორი ვერ იქნება.