3 ოქტომბერს დავიძრათ კოლონებით, არჩევნების შედეგების დასაცავად – მიხეილ სააკაშვილი

0
429

საქართველოს მესამე პრეზიდენტი მიხეილ სააკაშვილი მოსახლეობას ბათუმიდან მოუწოდებს, რომ 2 ოქტომბერს ყველა მივიდეს არჩევნებზე და ხმა მისცეს ოპოზიციას, ხოლო 3 ოქტომბერს დილიდან, თბილისისკენ კოლონების მსვლელობას აანონსებს.

ის წერს, რომ კოლონები უნდა იყოს მრავალრიცხოვანი, რათა “უზურპატორმა ხელისუფლებამ” მისი (სააკაშვილის, -რედ.) შეჩერება ვერ შეძლოს.

“ყველას უნდა გვესმოდეს რომ ოცნებისთვის ხმის მიცემა იქნება საქართველოსთვის სასიკვდილო განაჩენის ხელმოწერა. ამიტომ 2 ოქტომბერს ყველა უნდა მივიდეთ არჩევნებზე საქართველოს გადასარჩენად. ხოლო 3 ოქტომბერს დილიდან მთელი საქართველოდან დავიძრათ თბილისისკენ არჩევნების შედეგების დასაცავად.მეც შევუერთდები ერთ ერთ ასეთ კოლონას.
ამიტომ ჩემი თხოვნაა კოლონები იყოს მრავალრიცხოვანი და მძლავრი რათა ვერ შეძლონ ჩემი შეჩერება. თუ მანამდე მოახერხა უზურპატორმა მთავრობამ ჩემი დაკავება, ამან კიდევ მეტად უნდა გააძლიეროს ჩვენი ძალა. ორივე შემთხვევაში მე უკან არ ვიხევ და იმედია არც თქვენ”, – წერს მიხეილ სააკაშვილი.

შეგახსენებთ, მიხეილ სააკაშვილმა პირველი ვიდეომიმართვა ბათუმიდან დილის საათებში გაავრცელა:

თქვენს იმედზე ვარ, ყველაფერი გავრისკე, ჩემი სიცოცხლეც და თავისუფლებაც – მიხეილ სააკაშვილი მოქალაქეებს მიმართავს

პარალელურად, შსს-მ პირველი განცხადება გაავრცელა და აღნიშნა, რომ მიხეილ სააკაშვილს საქართველოს საზღვარი არ გადმოუკვეთავს:

მიხეილ სააკაშვილს საქართველოს საზღვარი არ გადმოუკვეთავს – შსს

წინა სტატიამიხეილ სააკაშვილი საქართველოში არაა…ნეტა ყოფილიყო – კობახიძე
შემდეგი სტატია“სამშობლოს სიყვარულის ძალა გვანახა”, – სანდრა რულოვსი
ტელეკომპანია ოდიშის საინფორმაციო სამსახური