ოპოზიცია დავით კეზერაშვილისა და ალექსანდრე ნინუას წინააღმდეგ შეტანილ ახალ სარჩელს ეხმაურება და აცხადებს, რომ უზენაესი სასამართლოს მიერ მიღებული გადაწყვეტილება ქვეყანაში მედიის თავისუფლების გაუარესების პირდაპირი დასტურია.
ევროპული საქართველოს პოლიტსაბჭოს თავჯდომარე, გიგი წერეთელი, მოუწოდებს ხელისუფლებას, უარი თქვას მართლმსაჯულების პოლიტიკური მიზნით გამოყენებაზე, მათ შორის კრიტიკულად განწყობილი მედიების წინააღმდეგ. .
“არჩევნებამდე 2 დღით ადრე, დავით კეზერაშვილის წინააღმდეგ კიდევ ახალი სარჩელის შეტანა არისლიტიკურად მოტივირებული და კიდევ ერთხელ წარმოაჩენს, რომ ხელისუფლება ყველაფერს ცდილობს წინასაარჩევნოდ იმისათვის, რომ წინა ხელისუფლების წარმომადგენლებზე დამატებითი საქმეები აღძრას, კომპრომატები გამოჩხრიკოს ეს არის ძირითადი ინსტრუმენტი ძალიან სამწუხაროა ეს ამბავი, ქართული ოცნების მთავარი ამოცანაა არის მხოლოდ და მხოლოდ პოლიტიკურ ოპონენტების გაშავება და დევნა, ამ შემთხვევაში ამ ყოველივეს ემატება კრიტიკული მედიის წინააღმდეგ ბრძოლაც”. – თქვა წერეთელმა
არასამთავრობო ორგანიზაცია GDI აცხადებს, რომ წინასაარჩევნო პერიოდში მმართველი პარტია მართლმსაჯულების პოლიტიკური ანგარიშსწორებისთვის გამოყენებას აგრძელებს. არჩევნების წინ კეზერაშვილიისა და ნინუას წინააღმდეგ აღძრული საქმე პოლიტიკურად არის მოტივირებული და მიზნად ისახავს კრიტიკული მედიის შევიწროებას.
ცნობისათვის, თავცვის სამინისტრომ სარჩელი შეიტანა უზენაესი სასამართლოს 7 სექტემბრის გადაწყვეტილების წინაღმდეგს, რომლითაც პალატამ შეცვალა ორი ინსტანციის სასამართლოების განაჩენი და ტელეკომპანია “ფორმულას” მფლობელსა და თავდაცვის ყოფილ მინისტრს, დავით კეზერაშვილს 5 წლის ვადით თავისუფლების აღკვეთა მიუსაჯა.