ევროპარლამენტარი ვიოლა ფონ კრამონი კოალიციურ მთავრობასთან დაკავშირებით საქართველოს პრეზიდენტის სალომე ზურაბიშვილის განცხადებას „ტვიტერში“ ეხმიანება.
„მნიშვნელოვანი განცხადება საქართველოს პრეზიდენტისგან. მისი როლი მომდევნო კვირებში შესაძლოა, გადამწყვეტი იყოს“, – წერს ევროპარლამენტარი.
ცნობისთვის, პრეზიდენტმა კოალიციური მმართველობის აუცილებლობაზე ფრანგული გამომცემლობა „კვირის ჟურნალისთვის“ მიცემულ ინტერვიუში ისაუბრა.
„9 წლის განმავლობაში სახელისუფლებო უმრავლესობის მიერ დაკომპლექტებული მთავრობის შემდეგ, ნათელია, რომ კოალიციური მთავრობა აუცილებელია“, – განაცხადა სალომე ზურაბიშვილმა.