“მთავარმა არხმა” ექსკლუზიური დეტალები მოიპოვა მმართველი პარტიის “ზიზღის სტრატეგიიდან”, რომლის ავტორი მოშე კლუგჰაფტია. მოპოვებული ინფორმაციის მიხედვით, მოშე კლუგჰაფტის სტრატეგია “ქართულმა ოცნებამ” 3 აგვისტოს მიიღო.
შეგახსენებთ, მოშე კლუგჰაფტი ისრაელის მოქალაქე, პოლიტტექნოლოგია, რომელთანაც კონტრაქტი “ქართულ ოცნებას” ჰქონდა გაფორმებული.
“აუცილებელია ოპოზიციური არხების დისკრედიტაცია და ძირის გამოთხრა” -აღნიშნულია დოკუმენტში.
“ერთერთ ვარიანტად განიხილებოდა, რომ გახარია გეია”.
“ყოფილი პრემიერი გიორგი გახარია “ქართული ოცნების” საკვანძო მეტოქეა. მის წინააღმდეგ ღრმად დავხეწილი სტრატეგიაა საჭირო.
ნარატივის წამყვანი ხაზები უნდა იყოს:
კორუფცია,
ამორალურობა (ჰომოსექსუალობასთან, ნარკოტიკების მოხმარებასთან, ოჯახისა და სახელმწიფოს მოღალატეობასთან დაკავშირებული ბრალდებები).
ნარკოტიკების მოხამრებასთან დაკავშირებული ნარატივი მარტივი არ იქნება, მაგრამ ეს ხაზი სხვებს აჯობებს, რადგან ვიზუალური მტკიცებულებები არ არის საჭირო”,- წერია დოკუმენტში.
ამავე სტრატეგიაში აღნიშნულია:
სატელევიზიო მედია: იმედი, პოსტ ტვ, რუსთავი2, მაესტრო.
ფეისბუქი, ადგილობრივი და საერთაშორისო ექსპერტები.
პირველი ფაზა: სახელის შერქმევა (ნარკომომხმარებელი, ოჯახისა და სახელმწიფოს მოღალატე)
მეორე ფაზა: დაბრალება: სად, როდის, როგორ
მეექვსე ფაზა : ნარატივის გონებაში ჩაბეჭდვა. მთავარი გზავნილის გამეორება “გახარია=სააკაშვილს=ნარკომომხმარებელს და მას არ აქვს უფლება, იყოს დედაქალაქის მერი”
მესამე ფაზა: შერცხვენა – ჩვენ კარგები ვართ, ის ცუდია
მეოთხე ფაზა: ნარატივის ინფორმაციული მხარდაჭერა, კონკრეტული პირების დასახელება, მანიპულირებული ფეიკი და “დიფ ფეიკი”. (იგულისხმება ყალბი ვიდეო).
შეგახსენებთ, კლუგჰაფტს როგორც თავის სამშობლოში, ისევე როგორც სხვა ქვეყნებში, ბევრ პოლიტიკოსთან უმუშავია და წლების განმავლობაში კრიტიკა თავისი კლიენტების დემონიზებისთვის დაიმსახურა.