პარლამენტის წევრის, ირაკლი (დაჩი) ბერაიას დედა, რომელიც ხობის საკრებულოს დეპუტატია, გამარტივებულ შესყიდვებში მონაწილეობს

0
523

“საერთაშორისო გამჭვირვალობა – საქართველო” მორიგ კვლევას აქვეყნებს, ჩატარებული კვლევის შედეგად ირკვევა, რომ “ქართული ოცნებიდან” საქართველოს პარლამენტის წევრის, ირაკლი (დაჩი) ბერაიას დედა დოდო გაბუნია, რომელიც ამავდროულად, ხობის საკრებულოს განათლების, კულტურისა და სოციალურ საკითხთა კომისიის თავმჯდომარეა, მონაწილეობს გამარტივებულ შესყიდვებში.

დოდო გაბუნია ფლობს შპს “ფარმაციას” წილს. კომპანიამ 2012 წლიდან დღემდე 82 გამარტივებული შესყიდვა მიიღო ფარმაცევტულ პროდუქტებზე, სამედიცინო მოწყობილობებსა და ჯანდაცვის სფეროს მომსახურებაზე, ხელშეკრულებების ჯამურმა ღირებულებამ 54 266 ლარი შეადგინა.

82 გამარტივებული შესყიდვიდან 38 ხობის იურიდიულ პირებზე მოდის და მათი ხელშეკრულებების ჯამური ღირებულება 43 017 ლარს შეადგენს.

დოდო გაბუნია ხობის საკრებულოში განათლების, კულტურისა და სოციალურ საკითხთა კომისიის თავმჯდომარე 2014 წლიდანაა.

წინა სტატიაგარდაიცვალა 40 პაციენტი და დაინფიცირდა 2185 – კორონავირუსის განახლებული სტატისტიკა
შემდეგი სტატიალიტერატურული ჟურნალი „ებგური“ წელს 5 წლის იუბილეს აღნიშნავს
ტელეკომპანია ოდიშის საინფორმაციო სამსახური