სამშაბათს 15:00-ზე კანცელარიასთან ირაკლი ბებუას მხარდასაჭერი აქცია დაიგეგმა.
“ერთ წელზე მეტია ირაკლი ბებუა ოკუპანტების ტყვეობაშია.
ორ თვეზე მეტია პრემიერ-მინისტრი ირაკლი ღარიბაშვილი უპასუხოდ ტოვებს ბებუას ოჯახის მოთხოვნას შეხვედრაზე.
მოვითხოვთ მთავრობისგან ოჯახთან პირდაპირი კომუნიკაციის დამყარებას და ჩვენი თანამოქალაქის გასათავისუფლებელად კონკრეტული ნაბიჯების გადადგმას!”- წერია საორგანიზაციო განცხადებაში.
ირაკლი ბებუა ოკუპირებულ გალში 2020 წლის 30 სექტემბერს ე.წ. “აფხაზური დროშის” დაწვის გამო დააკავეს.