დევნილები დღესაც დააკავეს – ასე პასუხობს ხელისუფლება პროტესტს დევნილთა უფლებებისა და საჭიროებების ინორირების გამო

0
90

დღეს დილიდან  თბილისში, გმირთა მემორიალთან აფხაზეთიდან დევნილები მიდიან  ყვავილებით ამკობენ.

ტრადიციულად, მემორიალთან აფხაზეთის დე იურე  ხელისუფლების წარმომადგენლიც მივიდნენ, რასაც პროტესტით დახვდნენ იქ შეკრებილი მოქალაქეები, რომელნიც ახცადებენ,  რომ მათი უფლებები სისტემატურად ირღვევა და იგნორირებულია ყველა დონის ხელისუფლების მხრიდან

პოლიციამ გმირთა მოედანზე, აფხაზეთის გმირთა მემორიალთან გამართულ აქციაზე ორგანიზატორი, ორგანიზაცია “დევნილები დევნილებისთვის” ხელმძღვანელი ირაკლი ტორუა დააკავა. ის და ამ ორგანიზაციის წევრები მოთხოვნის საჯაროდ გავრცელებას პრემიერ-მინისტრის ირაკლი ღარიბაშვილის მისვლის დროს გეგმავდნენ.

გმირთა მოედანზე აქციაზე "დევნილები დევნილებისთვის" ორგანიზაციის  ხელმძღვანელი დააკავეს

დევნილების მოთხოვნაა გადადგეს აფხაზეთის ავტონომიური რესპუბლიკის მთავრობა.

“წლების განმავლობაში იგნორირებულია დევნილთა პრობლემები… მინდოდა დინამიკი შემომეტანა, ჩემი ხმა რომ უკეთ გაეგოთ, ვიღაც პროვოკატორი ქალი მომიქციეს”, – თქვა “მთავარ არხთან” საუბრის დროს, დაკავებამდე, ირაკლი ტორუამ.

ირაკლი​ტორუა ადმინისტრაციულ სამართალდარღვევათა კოდექსის იმ მუხლით დააკავეს, რომელიც პოლიციელის კანონიერი მოთხოვნის დაუმორჩილებლობას გულისხმობს.

 

წინა სტატიაასლან ბჟანიამ “სოხუმის გათავისუფლების დღესთან” დაკავშირებით მიმართვა გაავრცელა
შემდეგი სტატია,,ჩვენ ამ დღეს ვიხსენებთ მწუხარებით და იმედით, რომელიც ამდენი იძულებით გადაადგილებული ადამიანის გულში რჩება”
ტელეკომპანია ოდიშის საინფორმაციო სამსახური