საქართველოს მესამე პრეზიდენტი მიხეილ სააკაშვილი საქართველოში ჩამოსვლის კონკრეტულ თარიღს ასახელებს. მისი თქმით, უკვე ბილეთი აიღო და თბილისში 2 ოქტომბერს ჩადის.
“ვინაიდან ეს არჩევნები არაა უბრალო, რიგითი არჩევნები, არამედ რეფერენდუმია, ვერ დავდგებოდი ამ მოვლენის გვერდზე და ავიღე ბილეთი 2 ოქტომბრის საღამოსთვის კიევი-თბილისის რეისზე, რათა თქვენთან ერთად ვიყო… შეხვედრამდე თბილისში”, – აცხადებს საქართველოს მესამე პრეზიდენტი ვიდეომიმართვაში და ბილეთის ფოტოსაც ავრცელებს.
ბილეთში აღნიშნულია, რომ მიხეილ სააკაშვილი თბილისში 2 ოქტომბერს, 23:05 საათზე, დედასთან, გიული ალასანიასთან ერთად ჩამოვა.