,,ის ქალი მე ვარ” – ამ ჰეშთეგით მიმართავენ ირაკლი კობახიძეს სოციალურ ქსელში გიორგი გახარიას პარტიის, “საქართველოსთვის” წევრები
ისინი “ქართული ოცნების” თავმჯდომარის იმ განცხადებას ეხმაურებიან, რომლის მიხედვითაც, ქალი, რომელმაც გახარიას კოკაინი გაასინჯა, საკრებულოს სიაშია.
გუშინ, 23 სექტემბერს კობახიძემ იმედის ეთერში განაცხადა, რომ “გიორგი გახარიას კოკაინი პირველად ერთ-ერთმა ქალბატონმა გაასინჯა და მას შემდეგ აქვს მას ეს პრობლემა”.
,, ეს ქალბატონი არც არასდროს ყოფილა ქართული ოცნების წევრი, მაგრამ საკრებულოს სიაშია გახარიას პარტიიდან. მას შემდეგ, რაც ამ ქალმა კოკაინი გაასინჯა, გახარია წავიდა პარტიიდან და ხელიდან. ვიცით კონკრეტული სახელი და გვარიც. მძიმე შემთხვევაა, რა თქმა უნდა, მაგრამ მოვერიდები, რომ დავასახელო. ჯერ ერთი იმის გამო, რომ , ქალბატონს ეხება საქმე.ისე კი გეტყვით, რომ ეს ინფორმაცია უტყუარია. ” – თქვა კობახიძემ.