ნონა გაფრინდაშვილის ბრალდება უსაფუძვლოა -აცხადებს “Netflix-ის ოფიციალური წარმომადგენელი

0
492
Autosave-File vom d-lab2/3 der AgfaPhoto GmbH

Netflix-ი, რომელსაც  ნონა გაფრინდაშვილმა უჩივლა სერიალ Queen’s Gambit-ში ნათქვამი ტექსტის გამო,  მის ბრალდებას განცხადებით გამოეხმაურა.

სტრიმინგის სერვისის ოფიციალური წარმომადგენელი წერს – “უდიდეს პატივს ვცემთ ქალბატონ ნონა გაფრინდაშვილს და მის კარიერულ მიღწევებს, მაგრამ ჩვენი აზრით, ბრალდება უსაფუძვლოა და თავს ბოლომდე დავიცავთ”.

ფილმში  მოსკოვის საჭადრაკო ტურნირის კომენტატორი მთავარ პერსონაჟზე საუბრისას ამბობს:“ერთადერთი უცნაური რამ მის შესახებ მისივე სქესია, თუმცა რუსეთში მას ეს უნიკალურად არ აქცევს. არსებობს ნონა გაფრინდაშვილი, თუმცა ის არის ქალი მსოფლიო ჩემპიონი, რომელსაც არასდროს უთამაშია კაცი მოჭადრაკის წინააღმდეგ”.

ნონა გაფრინდაშვილის ინტერესებს იურიდიული კომპანია BLB იცავს. ისინი სარჩელში წერენ, რომ კომენტატორის ნათქვამი ტყუილია და სექსისტური.

“ბრალდება, რომ გაფრინდაშვილს არასდროს უთამაშია კაცი მოჭადრაკის წინააღმდეგ არის ცხადი ტყუილი, უკიდურესად სექსისტური და დამამცირებელი.

1968 წლისთვის, ანუ მაშინ, როდესაც ეპიზოდში მოქმედება ხდება, მას სულ მცირე 59 კაცი მოჭადრაკის წინააღმდეგ ჰქონდა თამაში ჩატარებული, მათ შორის სულ მცირე ათი დიდოსტატი იყო”, – წერია სარჩელში.

წყარო: Ladbible

წინა სტატიაფოთში 32 საარჩევნო უბნისთვის 40 ათასი ლარის გოჭი შეუკვეთეს, ერთ უბანზე 6 გოჭი მოდის – უგულავა
შემდეგი სტატიაავტოსაგზაო შემთხვევა იგოეთთან – ორი ადამიანი გარდაიცვალა, სამი კი დაშავდა.
ტელეკომპანია ოდიშის საინფორმაციო სამსახური