აზიის განვითარების ბანკმა (ADB) საქართველოს 100 მილიონი დოლარის ოდენობის საბიუჯეტო სესხი დაუმტკიცა. ინფორმაციას აზიის განვითარების ბანკი ავრცელებს.
“ეს საქართველოსთვის მნიშვნელოვანი პროგრამაა, რომელიც მიზნად ისახავს სახელმწიფოს მფლობელობაში არსებული ორი ენერგოკომპანიის ფინანსური და კორპორატიული მართვის გაუმჯობესებას – თქვა ბანკის ცეინტრალური და დასავლეთ აზიის დეპარტამენტის დირექტორმა ევგენი ჟუკოვმა. მისი თქმით, პროგრამა მიზნად ისახავს სახელმწიფოს მფლობელობაში არსებული ორი ენერგოკომპანიის ფინანსური და კორპორატიული მართვის გაუმჯობესებას.
გვაქვს მოლოდინი, რომ ეს პროგრამა მაგალითის მიმცემი იქნება სახელმწიფოს მფლობელობაში მყოფი სხვა კომანიებისთვის და ADB მზადაა მთავრობას დაეხმაროს ამ მიმართულებით უფრო გაფართოებული რეფორმებისა და ეკონომიკის ზრდის ხელშესაწყობად”
ADB-ის ენერგეტიკის მთავარი სპეციალისტი ადნან ტარინი კი ამბობს, რომ პროგრამა ხელს შეუწყობს საქართველოს ენერგეტიკის სექტორის ფინანსური სტაბილურობისა და ეფექტიანობის გაუმჯობესებას.
საქართველო ADB-ის წევრი 2007 წლიდანაა და მას შემდეგ ბანკი ქვეყნის განვითარების ხელშეწყობის ერთ-ერთი ყველაზე დიდი მრავალმხრივი პარტნიორია. საქართველოსთვის გაცემული სესხების ჯამი 3.92 მილიარდ აშშ დოლარს შეადგენს, ხოლო ტექნიკური დახმარების პროექტები 28.9 მილიონი აშშ დოლარის ოდენობისაა.
აღსანიშნავია, რომ დაახლოებით 1 თვის წინ საქართველოს მთავრობამ ევროკავშირის 75-მილიონიან დახმარებაზე უარი თქვა. ღარიბაშვილი მაშინ ამბობდა, რომ EU ამ თანხას საქართველოს სესხის სახით აძლევდა, მთავრობამ კი “საგარეო ვალის შემცირება დაიწყო და თანხის მიღების აუცილებლობა აღარ იქნება”.