მარნეულის მუნიციპალიტეტში ახალგაზრდა მამაკაცი გაიტაცეს, გაკოჭეს, სხეულზე მძიმე საგანი მოაბეს და სარწყავ არხში გადააგდეს. მომხდარის შედეგად 28 წლის მამაკაცი გარდაიცვალა.
შინაგან საქმეთა სამინისტროს ქვემო ქართლის პოლიციის დეპარტამენტის თანამშრომლებმა მარნეულის მუნიციპალიტეტში მომხდარ განზრახ მკვლელობის ფაქტთან დაკავშირებით, წარსულში ნასამართლევი, 1992 წელს დაბადებული ო.ტ., 1986 წელს დაბადებული ო.გ. და წარსულში ნასამართლევი,1981 წელს დაბადებული ს.ა. დააკავეს.
უწყების ცნობით, მათგან ორს ჯგუფურად ჩადენილ განზრახ მკვლელობაში, ხოლო მესამეს განსაკუთრებით მძიმე დანაშაულის შეუტყობინებლობისტვის დაედო ბრალი.
საქმეზე ჩატარებული ინტენსიური სამძებრო და საგამოძიებო მოქმედებების შედეგად, სამართალდამცველებმა სამივე ბრალდებული მარნეულში დააკავეს.