გავრცელებული ჩანაწერების მიხედვით, ძალადობრივი და ჰომოფობიური ჯგუფის ლიდერი, გურამ ფალავანდიშვილი 2019 წლის 8 ივლისისთვის დრონის მოძიებას და ლგბტ დროშიანი დრონისთვის დაჯახებას გეგმავდა.
“ეროვნული ძალების გაერთიანების წევრი, ალექსანდრე ფალავანდიშვილი განმარტავს, რომ თავადაც უნდა მოიძიოს დრონი, რომელსაც განმეორებით აფრენის შემთხვევაში დააჯახებდნენ ლგბტ დროშიან დრონს”, — წერია ფაილში.
2019 წლის 8 ივლისს პარლამენტის შენობასთან, სადაც მართლმადიდებელ მშობელთა კავშირისა და ლევან ვასაძის ჰომოფობიური აქცია მიმდინარეობდა, ლგბტ დროშამ გადაიფრინა. დროშა დრონზე იყო მიმაგრებული. გავრცელებულ ფაილებში ვკითხულობთ, რომ გარდა დრონის დაჯახების გეგმისა, ფალავანდიშვილის ორგანიზაციის წევრები პარლამენტის მიმდებარე ტერიტორიაზე ცდილობენ ლგბტ დროშიანი დრონის აფრენის ლოკაციის დადგენას.
13 სექტემბერს ცნობილი გახდა, რომ ერთ-ერთი ღია წყაროზე სასულიერო პირებთან დაკავშირებით მასალები აიტვირთა. უცნობია, ვინ გაავრცელა ფაილები და ასევე, არ არის დადასტურებული მათი ავთენტურობა. თუმცა რამდენიმე პოლიტიკოსმა და ჟურნალისტმა განაცხადა, რომ ჩანაწერებში საკუთარი საუბრები ამოიცნო