ოკუპირებული შიდა ქართლის მარიონეტული რეჟიმის ე.წ. პრეზიდენტის ოფიციალური წარმომადგენელი მურატ ჯიოევი ხიდან ჩამოვარდა. ამის შესახებ “ოსმედია” წერს.
შემთხვევა დილით, მურატ ჯიოევის კუთვნილ ბაღში მოხდა. მურატ ჯიოევმა მოტეხილობები მიიღო. ის ჯერ ცხინვალის საავადმყოფოში, შემდეგ კი ბესლანის კლინიკაში გადაიყვანეს. ჯიოევის სიცოცხლეს საფრთხე არ ემუქრება.
შეგახსენებთ, მურატ ჯიოევი კონფლიქტების პრევენციისა და მათზე რეაგირების ფარგლებში მიმდინარე მოლაპარაკებებზე დე ფაქტო ცხინვალის მხარეს წარმოადგენს.