გუშინ ღამით ქარი და ძლიერი წვიმა იყო სამეგრელოში, ხობის მუნიციპალიტეტის რამდენიმე სოფელში ათამდე ოჯახი ზარალის ანაზღაურებასა და ხელისუფლებისგან დახმარებას ითხოვს.
განსაკუთრებით რთული მდგომარეობაა ხობის მუნიციპალიტეტის სოფელ ახალ ხიბულაში, სადაც ქარმა სახლებს სახურავები გადახადა, ზოგან კი ქარისგან წაქცეული ხე მანქანებს დაეცა და დააზიანა.
ადგილობრივი ხელისუფლება მოსახლეობას ჰპირდება, რომ გამოიყოფა ზარალის დამთვლელი კომისია, შემდეგ კი კომპენსაციების გაცემის საკითხი თბილისში გადაწყდება.