აშშ-ის გამოძიების ფედერალურმა ბიურომ გუშინ, შაბათს განასაიდუმლოვა პირველი დოკუმენტი, რომელიც უკავშირდება 2001 წლის 11 სექტემბრის საავიაციო ტერაქტების გამოძიებას. მანამდე ტერაქტების მე-20 წლისთავზე რიგი დოკუმენტებისთვის საიდუმლოს მოხსნის თაობაზე პრეზიდენტმა ჯო ბაიდენმა გასცა განკარგულება.
დოკუმენტები, რომელთა გამოქვეყნებაც იგეგმება, 11 სექტემბრის მოვლენებში საუდის არაბეთის კვალს შეეხება. მათ განსაიდუმლოებას ითხოვდნენ ტერაქტების დროს დაღუპულთა ნათესავები, რომლებიც ამტკიცებდნენ, რომ ტერაქტების მომზადებასთან კავშირი შესაძლოა საუდის არაბეთის ხელისუფლებას ჰქონოდა.
2015 წლის აპრილში შედგენილ დოკუმენტში ასახულია ლოს-ანჯელესში საუდის არაბეთის საკონსულოს თანამშრომლის დაკითხვა, რომელსაც კავშირი ჰქონდა ხალხთან, რომლებმაც მნიშვნელოვანი „მატერიალურ-ტექნიკური“ მხარდაჭერა აღმოუჩინეს 19-დან 2 ტერორისტს. დაკითხულთა ვინაობა დოკუმენტში არ არის მითითებული, მაგრამ დასახლებულია საუდის არაბეთის რამდენიმე მოქალაქის სახელი, რომლებსაც კონტაქტი უნდა ჰქონოდათ მომავალ ტერორისტებთან.
დოკუმენტში არ არის არავითარი მტკიცებულება, რომ ელ-რიადის ხელისუფლებამ იცოდა ტერაქტების მზადების შესახებ.