ზუგდიდში “ზუმერის” მაღაზია გაქურდეს. წინასწარი ინფორმაციით, წაღებულია ხმის გამაძლიერებლები.
ადგილზე საგამოძიებო ღონისძიებები ჩატარდა, ექსპერტ-კრიმინალისტებმა ადგილზე მუშაობა უკვე დაასრულეს.
როგორც კონსულტანტები ჰყვებიან, სათვალთვალო კამერების ჩანაწერებიდან ჩანს, რომ ახალგაზრდა ბიჭი მაღაზიაში შევიდა, დახლიდან დინამიკი აიღო და ქურთუკში დამალა, რის შემდეგაც მაღაზიიდან გარეთ გავიდა.
გამოძიება ქურდობის მუხლით მიმდინარეობს. პირი, რომელმაც მაღაზიიდან ნივთი მოიპარა, დადგენილია და სავარაუდოდ, არასრულწლოვანია.
შინაგან საქმეთა სამინისტროში გამოძიება სსკ-ის 177-ე მუხლით მიმდინარეობს, რაც ქურდობას გულისხმობს.