საქართველოს პრეზიდენტი სალომე ზურაბიშვილი 2001 წლის 11 სექტემბრის ტერაქტს, რომელმაც აშშ-ში 3 000-მდე ადამიანის სიცოცხლე შეიწირა, “ტვიტერის” საკუთარ გვერდზე გამოეხმაურა.
საქართველოს პრეზიდენტი წერს, რომ 20 წლის წინ ტერაქტმა შეძრა მსოფლიო საზოგადოება, რომელიც ერთად დადგა გლობალური უსაფრთხოების დასაცავად:
„20 წლის წინ 11 სექტემბრის ტრაგედიამ მსოფლიო შეძრა. 20 წლის წინ საერთაშორისო საზოგადოება ერთად დადგა გლობალური უსაფრთხოების დასაცავად. საქართველო განაგრძობს ამ საქმეში თავისი წვლილის შეტანას. გლობალური პასუხი ბოროტებაზე იყო სოლიდარობა, გაკვეთილი, რომელიც არასდროს უნდა დავივიწყოთ“, – წერს სალომე ზურაბიშვილი.