ექსპრემიერმინისტრი და თბილისის მერობის კანდიდატი გიორგი გახარია ამბობს, რომ ოპონენტებმა მასთან დებატებზე პირისპირ დაჯდომის შიშით “ბანკებით” სირბილი დაიწყეს.
“ზოგიერთებმა, სამწუხაროდ, დებატებში პირისპირ დაჯდომის შიშით, ბანკებით სირბილი დაიწყეს და მე ამისთვის უბრალოდ, ახლა არ მცალია. ამ ბანკებით სირბილს ჯობია, პირისპირ დავსხდეთ და ვისაუბროთ ქვეყანაზე. ამ ქალაქში, ვინც აქ დავიბადეთ, ყველამ ვიცით, რომ არაფერი არ იმალება. იმის მაგივრად, რომ ბანკებით ვირბინოთ, თუ პირისპირ არ გვინდა დაჯდომა დებატებში, მაშინ ვთქვათ, რომ არ გვინდა, ან ვერ ვსხდებით… ვთხოვე მოქმედ მერს, დავჯდეთ პირისპირ დებატებში, ისევე როგორც ნიკარონ მელიას”, — განაცხადა გახარიამ.
გახარია, ასევე, ახლო მომავალში ნარკოტესტთან დაკავშირებით “საინტერესო ინფორმაციის განდობას” აანონსებს.
“რაც შეეხება ტესტს, ტესტთან დაკავშირებით სულ მალე ძალიან საინტერესო ინფორმაციას გაგანდობთ”, — აღნიშნა გახარიამ.
ქართული ოცნების მერობის კანდიდატმა, კახა კალაძემ ნარკოტესტი რამდენიმე დღის წინ ჩააბარა და ოპონენტებსაც იგივე მოუწოდა