ნიკა მელია: “მოძალადეები შეიწყალეს”, “პატრიოტული სულისკვეთების” მქონე ადამიანებს კი დევნიან. შეუძლებელია, ამნისტიის აქტი მივიღო”

0
271

“მოძალადეები შეიწყალეს”, “პატრიოტული სულისკვეთების” მქონე ადამიანებს კი დევნიან. შეუძლებელია, მე მივიღო ეს ამნისტიის აქტი იმდაგვარად, რომ ჩემი ნება იქნეს გამოხატული”-  განაცხადა ნიკა მელიამ მთავარი არხის ეთერში

“ეს შემთხვევა ამ ხელისუფლების სახის ნათელი ლუსტრაციაა – ისინი საკუთარ თავ საუკეთესოდ წარმოაჩენენ. მოძალადეებს მართლმსაჯულებისგან განარიდებენ და ადამიანებს, ვინც ქართული პატრიოტიზმის სულისკვეთებით გადაწყვიტა, რომ იმ დღეს რუსთაველის გამზირზე დამდგარიყო და რუსეთის დუმის დეპუტატის პარლამენტის თავმჯდომარის სავარძელში ჩამოსკუპება გაეპროტესტებინა, კვლავ დევნის.

“20 ივნისის ამნისტია დასრულდა ისე, როგორც ველოდი, ნამდვილად, რომ მოძალადეები შეიწყალეს და ახლა უნდათ, რომ ნიკა მელია ადგეს და სასამართლოში მიიღოს ეს მოწყალება ანუ მე თანხმობა უნდა განვაცხადო საპროცესო გარიგებაზე, რომ  ამნისტიის აქტი გავრცელდეს ჩემზე.

მაგრამ შეუძლებელია, მე მივიღო ეს ამნისტიის აქტი იმდაგვარად, რომ ჩემი ნება იქნეს გამოხატული . ეს არ არის ამნისტიის აქტი, როცა ეს დგება, იქ ნებას არ გამოხატავ.

რა თქმა უნდა, ახლავე, თქვენი ეთერის მეშვეობით ვეუბნები, რომ პასუხი, რა თქმა უნდა, არა იქნება. ნუ დაიღლიან თავს და ნუ შეიწუხებენ ზედმეტი კითხვების დასმისგან. ” — განაცხადა ნიკა მელიამ

პარლამენტმა 20 ივნისის ამნისტიის ქართული ოცნების კანონპროექტი მესამე მოსმენით მიიღო. ამნისტია შეეხება ყველა იმ პირს, რომელიც 20 ივნისის საქმეზე ბრალდებული ან მსჯავრდებულია.

წინა სტატიაშანაე ბრუკის მკვლელობის საქმე გახსნილია – ბრალდებული დღეს, 8 სექტემბერს დააკავეს 
შემდეგი სტატიააშშ-ს კონგრესმენთა დელეგაცია საპატრიარქოს ეწვია
ტელეკომპანია ოდიშის საინფორმაციო სამსახური