მთავარისიახლეებისამართალიდავით კეზერაშვილი: ,,ივანიშვილის ჯიბის სასამართლოს ამ სამარცხვინო გადაწყვეტილებას სტურასბურგში გავასაჩივრებ ''

დავით კეზერაშვილი: ,,ივანიშვილის ჯიბის სასამართლოს ამ სამარცხვინო გადაწყვეტილებას სტურასბურგში გავასაჩივრებ ”

Published on

უზენაესმა სასამართლომ გუშინ, 7 სექტემბერს ყოფილ თავდაცვის მინისტრს და ტელეკომპანია ფორმულას დამფუძნებელს დავით კეზერაშვილს 5-წლიანი პატიმრობა მიუსაჯა.

დავით კეზერაშვილი სოციალურ ქსელში წერს, რომ მიღებული გადაწყვეტილების „ინიციატორი“ ირაკლი ღარიბაშვილია.

„ივანიშვილის პირადი იურისტისა და ყოფილი გენერალური პროკურორის ხელით, უზენაეს სასამართლოში მიღებული გადაწყვეტილება, კიდევ ერთი ნაბიჯია მისი მხრიდან, სასამართლო სისტემის საკუთარ ვიწრო პოლიტიკურ ამოცანებზე მორგებისა.

მე ჩემი ქვეყნის მიმართ განსაკუთრებული სიყვარული და პასუხისმგებლობის გრძნობა გამაჩნია. სწორედ ეს პასუხისმგებლობა წარმოადგენდა და წარმოადგენს მთავარ მოტივს, წლების განმავლობაში, საქართველოში თავისუფლებისთვის ბრძოლის ნებისმიერი გამოვლინების აქტიური გულშემატკივარი და თანამდგომი ვყოფილიყავი – იქნებოდა ეს სამოქალაქო აქტივიზმი თუ ხელისუფლების გავლენებისგან თავისუფალი, დასავლურ ფასეულობებზე დაფუძნებული მედიასაშუალების მხარდაჭერა.

უზენაესი სასამართლოს მიერ მიღებულ სამარცხვინო გადაწყვეტილებას აუცილებლად გავასაჩივრებ სტრასბურგის სასამართლოში. თადუმაძე და ივანიშვილის ჯიბის სასამართლო მხოლოდ იმისთვის არსებობს, რომ ყველაფერი იკადროს – მათსავე სასამართლოს ორ ინსტანციაში ჩემი უდანაშაულობის უტყუარი მტკიცებულებებით გამართლებისა და თითქმის ოთხწლიანი პაუზის შემდეგ, საქმე ამგვარად შემოატრიალოს.

ჩემთვის ცნობილია, რომ უშუალო ინიციატორი და ორგანიზატორი ამ უმსგავსობისა ივანიშვილის ხელის ბიჭი ირაკლი ღარიბაშვილია. სწორედ ის ფიქრობს, რომ ამდაგვარად დააშინებს ან დამაშანტაჟებს მე, ან ჩემს მიერ მხარდაჭერილ ტელევიზიას. ეს კიდევ ერთხელ მარწმუნებს, რომ ისტორიის სწორ მხარეს ვარ და მიმყარებს მოტივაციას, უფრო მეტი ენთუზიაზმით დავეხმარო თავისუფალ სიტყვას და ზოგადად თავისუფლებისთვის ბრძოლას საქართველოში”, – წერს კეზერაშვილი.

სიახლეები

გერმანიის საელჩო მზია ამაღლობელს Free Media Awards-ის მიღებას ულოცავს

გერმანიის საელჩო საქართველო ბათუმელები/ნეტგაზეთის დამფუძნებელსა და დირექტორს, მზია ამაღლობელს პრესის თავისუფლების მხარდამჭერი ჯილდოს, Free...

აშშ-ს წარმომადგენელთა პალატამ უკრაინისთვის სამხედრო დახმარების გაგრძელებას მხარი დაუჭირა

აშშ-ს წარმომადგენელთა პალატამ სამხედრო უკრაინისთვის დახმარების გაგრძელებას მხარი დაუჭირა. კონგრესმა აშშ-ს ეროვნული თავდაცვის ავტორიზაციის აქტი...

აქ ვარ მათი სახელით, ვინც ციხეშია – ზურაბიშვილის გამოსვლა ჰელსინკის კომისიის სხდომაზე

ჰელსინკის კომისიის სხდომაზე საქართველოს საკითხზე მოსმენა გაიმართა, სადაც მომხსენებლები მეხუთე პრეზიდენტი სალომე ზურაბიშვილი, თავდაცვის...

მელიქიშვილზე 8-9 სექტემბერს მომხდარი დაპირისპიირების გამო შსს-მ სამი პირი დააკავა

შსს განცხადებას აქვეყნებს და წერს, რომ 8-9 სექტემბერს მელიქიშვილის ქუჩაზე მომხდარ არეულობასთან დაკავშირებით, სამი...