სასწრაფო სამედიცინო დახმარების მანქანის ამოტრიალების შედეგად დაშავებული 77 წლის კოვიდპაციენტის მდგომარეობა მძიმეა. მას ინგოროყვას საუნივერსიტეტო კლინიკაში მკურნალობენ
“პაციენტს, აქვს თავის ტვინის შერყევა, ქალა-ტვინის დახურული ტრამვა, სუნთქვის მწარე უკმარისობა, ორმხრივი პნევმონია. ასაკიდან გამომდინარე, პაციენტის მდგომარეობა მძიმედ ფასდება, არის კოვიდინფიცირებული და აქვს ავარიის შედეგად მიღებული დაზიანებებიც”. – ამბობს კლინიკის გადაუდებელი მედიცინის დეპარტამენტის უფროსი ანი დალაქიშვილი.
ავარიის შედეგად მედდა და მძღოლიც დაშავდნენ. ექიმის თქმით, მათი მდგომარეობა დამაკმაყოფილებელია.
მეტროსადგური 300 არაგველის მიმდებარე ტერიტორიაზე სასწრაფო დახმარების მანქანა, რომელსაც პაციენტები გადაჰყავდა, გუშინ, 5 სექტემბერს ამოტრიალდა.