სეისმური მონიტორინგის ეროვნული ცენტრის ინფორმაციით, საქართველოში თბილისის დროის 14:29 საათზე მიწისძვრა მოხდა – ეპიცენტრი ამჯერადაც სოფელი სამება იყო. მიწისძვრის სიმძლავრე 3.8 მაგნიტუდა იყო.
ბოლო ორი თვის მანძილზე სოფელი სამება საქართველოში სეისმურად ყველაზე აქტიური წერტილია.
დღესვე, დილით თბილისის დროით 07:34 საათზე საქართველო-რუსეთის სახელმწიფო საზღვართანაც 4.4 (ML) მაგნიტუდის სიდიდის მიწისძვრა დაფიქსირდა.
სეისმური მონიტორინგის ეროვნული ცენტრის ცნობით, მიწისძვრის ბიძგები საზღვრიდან 9 კილომეტრში, დაღესტანში იყო.