უკანონო ჩხრეკა პარტია “საქართველოსთვის” მხარდამჭერის სახლში – როგორც პარტიის წევრები ამბობენ, ხარაგაულში მათი ერთ-ერთი მხარდამჭერის საცხოვრებელ სახლში პოლიციის 8 თანამშრომელი შესაბამისი დადგენილების წარდგენისა და ყოველგვარი ახსნა-განმარტების გარეშე შეიჭრა.
სამართალდამცავებმა ეზო და საცხოვრებელი სახლი გაჩხრიკეს, თუმცა არაფერი ამოუღიათ. პარტიის პოლიტსაბჭოს წევრი გიორგი გოგუაძე ამბობს, რომ ჩხრეკა რეალურად საგამოძიებო მოქმედება არ ყოფილა და მისი მიზანი პარტიის მხარდამჭერის ოჯახის წევრების დაშინება იყო.