აშშ-ში ლუიზიანას შტატს ქარიშხალმა იდამ დიდი ზიანი მიაყენა – დატბორილია ტერიტორიები, მათ შორის, საცხოვრებელი ადგილები. დაზიანებულია ელექტროგადამცემი ხაზები, რის შედეგადაც მილიონზე მეტი მომხმარებელი ელექტროენერგიის გარეშე დარჩა.
სტიქიას ერთი ადამიანის სიცოცხლე ემსხვერპლა.ამის შესახებ ინფორმაციას Reuters ავრცელებს
სხვა გარდაცვლილთა შესახებ ჯერჯერობით ინფორმაცია არ ვრცელდება
.
აშშ-ის პრეზიდენტმა ჯო ბაიდენმა ლუიზიანა სტიქიური უბედურების ზონად გამოაცხადა და აღდგენით სამუშაოებში ფედერალური დახმარების შესახებ ბრძანება გასცა.
“დახმარება შეიძლება შეიცავდეს გრანტებს დროებითი საცხოვრებლისა და სახლის რემონტისთვის, დაბალბიუჯეტიან სესხებს დაუზღვეველი ქონების ზარალის დასაფარად და სხვა პროგრამებს, რაც კატასტროფის შედეგად დაზარალებულ პირებს დაეხმარება”, — აღნიშულია თეთრი სახლის განცხადებაში.
ცნობისათვის, იდა ქარიშხალ კატრინას შემდეგ, რომელიც ლუიზიანასა და მისისიპის შტატებს 16 წლის წინ დაატყდა თავს, ყველაზე ძლიერი სტიქიაა ქვეყანაში.