გრიგოლ ვაშაძე სტრატეგია აღმაშენებლის ლიდერთან ერთიანდება. ნაციონალური მოძრაობის ყოფილი თავმჯდომარე გიორგი ვაშაძის მესამე ძალას უერთდება.
როგორც გრიგოლ ვაშაძე აცხადებს, აღნიშნული ტრანსფერი, ფაქტობრივად, გადაწყვეტილია.
როცა მთავარი მიზანი და ინსტრუმენტები შეთანხმებულია, დეტალებში შეიძლება უზარმაზარი განსხვავება იყოს”, – ამბობს იგი.
მესამე ძალაში პარტია სტრატეგია აღმაშენებლთან ერთად იქნებიან რესპუბლიკელები, თავისუფალი დემოკრატები და პარტია რეფორმერი. თვითმმართველობის არჩევნებზე სიის სათავეშიც სწორედ რეფორმერის დამფუძნებელი ბიზნესმენი თორნიკე ჯანაშვილი მოექცევა. პლატფორმას ეყოლება მერობის კანდიდატიც.
„30-ს დაელოდეთ, 30-ში გვექნება ყველაფერი, როგორ წარვდგებით. მესამე ძალა პლატფორმაა. მერობის კანდიდატიც გვეყოლება”, – ამბობს სტრატეგია აღმაშენებლის ლიდერი გიორგი ვაშაძე.
ვის წარადგენენ პლატფორმის მერობის კანდიდატად – ვაშაძე არ აკონკრეტებს. ფორმულამ გაარკვია, რომ მოლაპარაკებები მიმდინარეობდა ვანო მაჭავარიანთან და ხათუნა ლაგაზიძესთან. მოლაპარაკება არ შედგა. ფორმულას ინფორმაციით ამ დროისთვის მერობის კანდიდატად განიხილება პარტიიდან სერგო ჩიხლაძე და თავისუფალი დემოკრატებიდან თამარ კეკენაძე.