რეგულაციების დაცვა გადაგვარჩენს, ვაქცინაცია გადაგვარჩენს, ჩვენ ყველა ერთ ომში ვართ – ჩვენ უნდა დავიცვათ ერთმანეთი, დავიცვათ საკუთარი მომავალი. ეს არ არის რთული, თუმცა ქუჩებში, მაღაზიებში, სკვერებსა და ყველაზე ხალხმრავალ ადგილებშიც კი სულ სხვა სურათს ვხედავთ.
ვხედავთ, რომ ჩვენი ჯანმრთელობა არ ადარდებთ და ასეთი ვითარებაა ყველაზე ხალხმრავალ ადგილებშიც კი. ბაზრებში, სადაც მოვაჭრეებს პირბადეები არ უკეთიათ და პროდუქტების საყიდლად მისულ მოქალაქეებს ყოველგვარი წესების დაცვის გარეშე ემსახურებიან.
რეგულაციები და საკუთარი მოვალეობის შესრულება მონიტორინგის სამსახურის წარმომადგენლებსაც მხოლოდ მაშინ გაახსენდათ, როცა ბაზარში “მთავარი არხის” გადამღები ჯგუფი გამოჩნდა.