ტროპიკული ქარიშხალი „ჰენრი“ აშშ-ის ჩრდილო-დასავლეთ სანაპიროს მიუახლოვდა.აშშ-ის ხელისუფლებამ ნიუ-იორკის ლონგ აილენდისა და ახალი ინგლისის სამხრეთ ნაწილში მცხოვრებ მოსახლეობას განსაკუთრებული სიფრთხილისკენ მოუწოდა.
სინოპტიკოსები აღნიშნულ რეგიონში ძლიერ ქარს, წვიმას, ელექტროენერგიის გათიშვასა და ხეების მოგლეჯვას პროგნოზირებენ. მათი თქმით, ქარიშხალი „ჰენრი“ ბოლო წლების ერთ-ერთი ყველაზე ძლიერი ქარიშხალი იქნება.
\
საფრთხის გამო ნიუ-იორკში საგანგებო მდგომარეობა გამოცხადდა.
ამ დროისათვის ქარის სიჩქარე 120 კმ/სთ-ს აღემატება. BBC წერს, რომ აშშ-ის აღმოსავლეთ სანაპიროს ამ ნაწილში ქარიშხლები საკმაოდ იშვიათია.
“ჩვენ ეს ქარიშხალი ძალიან სერიოზულად უნდა მივიღოთ. ქარიშხლის შედეგად წარმოქმნილ ძლიერ ქარსა და წვიმას სერიოზული ზიანის გამოწვევა შეუძლია“, – აცხადებს საგანგებო სიტუაციების მართვის ფედერალური სააგენტოს ადმინისტრატორი დეან კრისველი.