ქართული ოცნების წევრმა, გივი მიქანაძემ ბრიფინგზე ქუთაისში ჩატარებული კვლევის შედეგებზე ისაუბრა. მისი თქმით, თვითმმართველობის არჩევნებზე ბარიერს 3 პარტია – ქართული ოცნება, ენმ და პატრიოტთა ალიანსი გადალახავს,
“დღეს გვსურს წარმოგიდგინოთ პარტიის სოციოლოგიური კვლევის ჯგუფის მიერ ქალაქ ქუთაისში ჩატარებული კვლევის შედეგები, რომელშიც მონაწილეობა 987-მა რესპოდენტმა მიიღო, პარტიული რეიტინგების შეწონილი მონაცემები გახლავთ შემდეგი:
- ქართული ოცნება 44.7%
- ნაციონალური მოძრაობა – 32.6%
- პატრიოტთა ალიანსი – 3.1%
- საქართველოსთვის – 2.9%
- სტრატეგია აღმაშენებელი – 2.6%
- გირჩი – მეტი თავისუფლება – 2.5%
- ლელო – 2.3%
- ევროპული საქართველო – 2.2%
- მოქალაქეები – 1.5%
- ლეიბორისტული პარტია – 1.5%
- გირჩი – 0.4%
- ერთიანი საქართველო – 0.4%
- სხვა პარტიები – 3.3%.”
შესაბამისად, მათ შორის 28 მანდატი შემდეგნაირად გადანაწილდება: ოცნება – 16 მანდატი, ენმ – 11 მანდატი, პატრიოტთა ალიანსი – 1 მანდატი. მერობის კანდიდატების შეწონილი მონაცემები კი შემდეგნაირია: ქართული ოცნების კანდიდატი, იოსებ ხახალეიშვილი – 50.3%, ენმ-ს კანდიდატი, ხატია დეკანოიძე – 37.8%, სხვა დანარჩენი კანდიდატები – 11.9%.