საგანგებო სიტუაციების მართვის სამსახურის ინფორმაციით, მაშველებმა აბაშაში გაუჩინარებული მოზარდის სამძებრო-სამაშველო ოპერაციის ფარგლებში ცხედარი იპოვეს.
მოზარდი აბაშის მუნიციპალიტეტის, სოფელ კეთილარში მდინარე რიონში ბანაობისას წყალში გაუჩინარდა. უწყების ცნობით, სამძებრო-სამუშაოები მიმდინარეობდა როგორც წყალში, ასევე, მდინარის სანაპიროზე. სამდღიანი ძებნის შემდეგ კი, მდინარეში ცხედარი იპოვეს
„შინაგან საქმეთა სამინისტროს საზოგადოებრივი უსაფრთხოების მართვის ცენტრ “112”-ში შემოვიდა აბაშის მუნიციპალიტეტის სოფელ კეთილარში გაუჩინარებული არასრულწლოვნის შესახებ.
ადგილზე მუშაობდა სახანძრო-სამაშველო ძალების დეპარტამენტის 105 თანამშრომელი, აჭარის, სამეგრელოს, ქვემო ქართლის რეგიონებიდან. ასევე, მობილიზებული იყო განსაკუთრებულ სიტუაციებზე რეაგირების მთავარი სამმართველოს სამაშველო ჯგუფი. მწყალქვეშა სამუშაოებს აწარმოებდა 6 მყვინთავი. მობილიზებული იყო 7 მცურავი საშუალება და დრონი. წყლის ფსკერის დათვალიერება მიმდინარეობდა სპეციალური სკანერის, ექოლოტის საშუალებით. მდინარის ნაპირზე მოწყობილი იყო სპეციალური საველე შტაბი“, – ნათქვამია საგანგებო სიტუაციების მართვის სამსახურის განცხადებაში