დიღმის საველე ჰოსპიტალში მოთავსებული 60 კოვიდინფიცირებული პაციენტის ჯანმრთელობის მდგომარეობა საშუალო სიმძიმისაა.
ცნობილი ხდება, რომ პაციენტთა უმეტესობა ჟანგბადდამოკიდებულია და მათი მდგომარეობა არც ისე მსუბუქია.
პაციენტების ძირითადი ნაწილი დელტა შტამითაა ინფიცირებული.
დიღმის საველე ჰოსპიტალში პაციენტების მიღება 20 ივლისს დაიწყო. როგორც ცნობილია, საველე ჰოსპიტალში კოვიდ სასტუმროებში მომუშავე ექიმები და რესპუბლიკური საავადმყოფოს სამედიცინო პერსონალი მუშაობს.
შეგახსენებთ, რომ დღეს კორონავირუსით გარდაცვალების 48 შემთხვევა დაფიქსირდა, ინფიცირებულია 3 803 პირი.