,,გუშინ, 18 აგვისტოს მცხეთა-მთიანეთის სოფლებში, ოკუპაციის ხაზის მიმდებარედ პატრულირებისას ჩვენთვის უჩვეულო, არატიპიური საგუშაგო აღმოვაჩინეთ – წერს ფეისბუქგვერზე დავით ქაცარავა. -ოკუპაციის ხაზის შიგნით, დაახლოებით 500მეტრში მდებარე ეს საგუშაგო ჩვენთვის “სიურპრიზი” აღმოჩნდა.
რთულია იმის თქმა, ეს ახალი საგუშაგოა თუ “ძველი”, მაგრამ ერთმნიშვნელოვნად განსხვავებულია აქამდე ჩვენს მიერ ნანახ და დაფიქსირებულ ორკ-საგუშაგოთა შორის.
ფოტოზე კარგად ჩანს სამშენებლო მასალები, რომელთა არსებობაც უნდა ნიშნავდეს ან დასრულებულ მშენებლობას და მორჩენილ მასალებს, ან არსებული საგუშაგოს გაფართოვების სამზადისს.
ეს არის რეგიონი, სადაც ჩვენი მოქალაქეები ოკუპანტებთან პირისპირ, ყოველგვარი ყურადღების გარეშე დარჩენილები ცხოვრობენ.
და ბოლოს – ჩემი ტრადიციული კითხვა ხელისუფლებას, რომელზეც ასევე ტრადიციულად პასუხი არ არის:
რატომ არ დგას კონფლიქტების პოლიცია მცხეთა-მთიანეთში, ზემო იმერეთსა და რაჭაში?
რატომ შეატოვეთ მოსახლეობა ოკუპანტთან პირისპირ?- წერს დავით ქაცარავა.