თურქეთის შავი ზღვის რეგიონში ძლიერი წვიმის შედეგად გამოწვეულ წყალდიდობას 38 ადამიანის სიცოცხლე ემსხვერპლა. დიდია ნგრევა და ზიანი
წყლის სტიქიას ოთხშაბათიდან ებრძვიან.
რეჯეფ თაიფ ერდოღანმა სამი პროვინცია: სინოპი, კასთამონი და ბართინი სტიქიური უბედურების ზონად გამოაცხადა და აღნიშნა, რომ სახელმწიფო ყველაფერს გააკეთებს სტიქიის შედეგების აღმოსაფხვრელად.
„სახელმწიფო რაც შეიძლება სწრაფად გააკეთებს ყველაფერს და იმედია, კვლავ აღვდგებით ფერფლიდან,”- აღნიშნა ერდოღანმა.
მისი თქმით, სამაშველო ოპერაციებში ჩართულია 19 ვერტმფრენი, ერთი უპილოტო საფრენი აპარატი, 66 სასწრაფო დახმარების მანქანა, 41 სამაშველო ჯგუფი და შესაბამისი სამსახურების 4 760 თანამშრომელი.