საქართველოში გაკეთებული 700 000 აცრიდან, ანაფილაქსიური შოკით მხოლოდ სამი დასრულდა – კულუმბეგოვი

0
338

ცნობილი ალერგოლოგი ბიძინა კულუმბეგოვი ისევ საუბრობს ვაქცინაციის აუცილებლობაზე და მისი მიმდინარეობის ტემპს განიხილავს, ასევე, ყურადღებას ამახვილებს გვერდით მოვლენებზე, რომლებიც საქართველოში აცრების რაოდენობასთან შედარებით, მიზერულია: მაგალითად, 700.000 აცრა და მხოლოდ 3 ანაფილაქსიური შოკი.

“სრული პასუხისმგებლობით ვამბობ, 700 000 ადმინისტრირებული ვაქცინიდან, სულ გვერდითი მოვლენა დაფიქსირებულია 110 ადამიანთან, გვაქვს მხოლოდ 3 ანაფილაქსიის შემთხვევა, რომელიც, საბედნიეროდ, კარგად დასრულდა(მეოთხე ლეტალურ შემთხვევას, როგორც იცით, იკვლევს ექსპერტიზის ბიურო). დანარჩენ შემთხვევათა უდიდესი ნაწილი არის ემოცია და შიში – როდესაც მასობრივი კამპანია ტარდება, ამ დროს ხშირია რიგის გამო, ემოციის გამო, უჰაერობის გამო, გულის წასვლით მიმდინარე რეაქციები, რომლებიც ძალიან მარტივად გვარდება.

მსგავსი ტიპის ასამდე რეაქცია ფიქსირდება. არავის არ უნდა ეშინოდეს ამ ტიპის რეაქციის, რადგან ყველა ბრიგადა აღჭურვილია სიცოცხლის გადამრჩენი მედიკამენტით, თუ რეაქცია მაინც განვითარდა, გვაქვს ადრენალინი, დექსამეტაზონი და მსგავსი ტიპის წამლები”, – ამბობს ალერგოლოგი.

წინა სტატიასად შეგიძლიათ აიცრათ წინასწარი რეგისტრაციის გარეშე – სრული ჩამონათვალი
შემდეგი სტატიაბოლო 24 საათში, საქართველოში კორონავირუსით 50 ადამიანი გარდაიცვალა
ტელეკომპანია ოდიშის საინფორმაციო სამსახური