ორშაბათიდან 21 აგვისტომდე ირანში ყველა არააუცილებელი ბიზნეს ობიექტი და დაწესებულება დაიხურება. ამასთან, 27 აგვისტომდე აიკრძალება გზებზე ყველა ავტომობილის მოძრაობა, სასწრაფო სამედიცინო დახმარების მანქანებისა და იმ სატვირთო ავტომობილების გარდა, რომლებსაც საკვები და სხვა აუცილებელი მოხმარების პროდუქტები გადააქვთ.
ირანის საგარეო საქმეთა სამინისტროს ცნობით, ქვეყანაში, გასული დღის განმავლობაში, კორონავირუსის 29 700 ახალი შემთხვევა გამოვლინდა და 466 ადამიანი გარდაიცვალა. ირანში ვაქცინაციის ტემპი დაბალია. ქვეყანაში, სადაც 83 მილიონამდე ადამიანი ცხოვრობს, სრულად ვაქცინირებულია მხოლოდ 3.8 მილიონი მოქალაქე.