აფხაზეთში შეიარაღებული კონფლიქტის დაწყებიდან 29 წელი გავიდა

0
446
1992 წლის 14 აგვისტოს საქართველოს თავდაცვის სამინისტროს ეროვნული გვარდიის და პოლიციის შენაერთები აფხაზეთის ავტონომიურ რესპუბლიკაში შევიდნენ. გადაწყვეტილება საქართველოს სახელმწიფო საბჭომ ხმათა უმრავლესობით მიიღო.

ოფიციალურ მიზეზად რუსეთ-საქართველოს რკინიგზის სოჭი-ინგირის სარკინიგზო მონაკვეთის დაცვა დასახელდა, ვინაიდან გახშირებული ყაჩაღობის გამო საქართველო დიდ ზარალს განიცდიდა.

აფხაზეთში შესვლიდან რამდენიმე საათში ქართულ ჯარს ე.წ აფხაზურმა გვარდიამ ცეცხლი გაუხსნა. სეპარატისტებს მხარს რუსეთი უჭერდა.

ამის შემდეგ საქართველოს ეროვნული გვარდია სოხუმისკენ დაიძრა.

შეიარაღებული დაპირისპირების დაწყებამდე, 1992 წლის 23 ივლისს, აფხაზეთის ადგილობრივმა ხელისუფლებამ რეგიონის დამოუკიდებლობის შესახებ გამოაცხადა. ეს ნიშნავდა, რომ ავტონომიურმა რესპუბლიკამ უარი თქვა საქართველოს კონსტიტუციაზე. ამ გადაწყვეტილებამ ავტონომიურ რესპუბლიკასა და საქართველოს ცენტრალურ ხელისუფლებას შორის ვითარება უკიდურესად დაძაბა.

14 აგვისტოს დაწყებული დაპირისპირება მალევე გადაიზარდა ომში, რომელიც 13 თვეს გაგრძელდა.

1993 წლის 27 სექტემბერს სოხუმი დაეცა.

1993 წლის 30 სექტემბერს რუსეთის სამხედრო რესურსებისა და დაქირავებული რაზმების ხელშეწყობით სეპარატისტებმა მოახდინეს აფხაზეთის მთელი ტერიტორიის ოკუპაცია.

დაიღუპა და დაიკარგა ასობით ადამიანი.

დევნილად იქცა 300 ათასზე მეტი.

 

 

წინა სტატია BBC: აშშ – ში სუსტი იმუნიტეტის მქონეთათვის ბუსტერი დაუშვეს
შემდეგი სტატია,,ატარონ პროცესი რამდენიც უნდათ, ჩემი ფეხი იქ არ იქნება” – ელენე ხოშტარია
ტელეკომპანია ოდიშის საინფორმაციო სამსახური