აფხაზეთის ე.წ. უშიშროების სამსახური საქართველოს მოქალაქის დაკავების შესახებ იუწყება

0
783

ოკუპირებული აფხაზეთის ე.წ. სახელმწიფო უშიშროების სამსახური აცხადებს, რომ მისმა თანამშრომლებმა „ოპერატიული ინფორმაციის რეალიზაციისას ტყვარჩელის რაიონის სოფელ გალხუჭში დააკავეს ამ სოფლის მცხოვრები, საქართველოს მოქალაქე, 1962 წელს დაბადებული ვახტანგ სონღულია”.

ე.წ. უშიშროების სამსახურის თანახმად, სონღულიას სახლში აღმოჩენილია 23 ვაზნა და ხელყუმბარა

„აუცილებელია აღინიშნოს, რომ სონღულია აფხაზი ხალხის სამამულო ომის დროს, 1992-93 წლებში იყო გალის მილიციის თანამშრომელი და საქართველოს სახელმწიფო საბჭოს ჯარებს ეხმარებოდა“, – ნათქვამია ე.წ. უშიშროების სამსახურის საიტზე, საიდანაც ირკვევა, რომ სონღულია ჯერ კიდევ 6 აგვისტოს დააკავეს, შემდეგ კი, გალის იზოლატორში გადაიყვანეს და მისი საქმე ტყვარჩელის პროკურატურას გადასცეს.

ინფორმაცია გუშინ, 13 აგვისტოს გახმაურდა. ამ საქმის შესახებ დამოუკიდებელი წყაროებით სხვა  დეტალები ჯერჯერობით უცნობია.

ცნობისათვის: აფხაზეთის დე ფაქტო ხელისუფლებამ გალხუჭი დაარქვა გალის რაიონის სოფელ პატარა გალს, რომელიც 1994 წელს შეუერთა ტყვარჩელის რაიონს.

წინა სტატიაავღანეთის პრეზიდენტმა აშრაფ ღანიმ განაცხადა, რომ არ დათმობს უკანასკნელი 20 წლის მიღწევებს
შემდეგი სტატია” ლუკაშენკოს რეჟიმთან რაიმე გარიგების დადება დემოკრატიული ქვეყნებისთვის სამარცხვინოა” – ბელორუსი უფლებადამცველები
ტელეკომპანია ოდიშის საინფორმაციო სამსახური