საქართველო-რუსეთის ომის აფხაზეთის მონაკვეთის დაწყებიდან 29 წელი გავიდა. ომი 13 თვეს გაგრძელდა და 1993 წლის 30 სექტემბერს დასრულდა. 27 სექტემბერს რუსი ოკუპანტების მიერ მხარდაჭერილმა აფხაზმა სეპარატისტებმა და ჩრდილოკავკასიელმა ბოევიკებმა სოხუმი აიღეს.
სეპარატისტთა მხარეს, ასევე იბრძოდნენ ადგილობრივი სომხები – ბაგრამიანის სახელობის ბატალიონი, დაქირავებული მებრძოლები ჩრდილოეთ კავკასიიდან.
აფხაზეთის ომში დაიღუპა 10 000-ზე მეტი მშვიდობიანი მოქალაქე, ასეულობით უგზო-უკვლოდ დაიკარგა, დაიჭრა და დასახიჩრდა 10 000-მდე პირი. 300 000-ზე მეტი მოქალაქე საკუთარ ქვეყნაში დევნილად იქცა.