აცრა გვიცავს, აუცილებლად აიცერით! – “ასტრაზენეკით” ორჯერ აცრილი, კოვიდდადასტურებული პაციენტი

0
592

ნაირა ცხვედიანი, რომელიც წერს, რომ მორჯერ არის აცრილი “ასტრაზენეკით” და, ამის მიუხედავად, კოვიდინფიცირება დაუდასტურდა, “ფეისბუქზე” წერს იმ განსხვავებაზე, რაც აცრილ და აუცრელ იმ პაციენტებს შორის შეიძლება არსებობდეს, ვისაც კოვიდი დაუდასტურდა.

“ერთ კვირაზე მეტია, გამუდმებით რეკავს ჩემი ტელეფონი. გათიშე, მირჩევს შვილი. გამორიცხულია, ვეუბნები მე. როგორც არასდროს, ახლა ვგრძნობ განსაკუთრებულ პასუხისმგებლობას, რომ აცრის იდეა გადავარჩინო, რადგან იმ 0, 19%-ში აღმოვჩნდი, რომელსაც, ორი აცრის მიუხედავად, კოვიდი დაუდასტურდა. ბევრი რომ არ გავაგრძელო, მოკლედ გეტყვით, რა უპირატესობა აქვს აცრილის დავირუსებას:

მოხსნილი გაქვს შიშის ფაქტორი, იქით ამშვიდებ ყველას, ვისაც აქეთ სურს შენი დამშვიდება, ალაგებ სახლს, რეცხავ სარეცხს, აკეთებ საჭმელს, არ გაწუხებს იმის დარდი, ექიმს გაახსენდები და დაგირეკავს თუ არა, არ აწუხებ სახელმწიფოს (არც ნათესავებს), მრავალწლიანი პაუზის შემდეგ სახლში ნამცხვარსაც კი აცხობ… ცოტა სიცხეს და ყელის ფხაჭნას კი უნდა გაუძლო სამი-ოთხი დღე და ისიც უნდა მოითმინო, რომ 12 დღე გარეთ ვერ გახვალ… მოკლედ, სულ ესაა. აცრა გვიცავს, აუცილებლად აიცერით!”, – წერს ნაირა ცხვედიანი “ფეისბუქზე”.

წინა სტატიადღის ფოტო: როგორ იბრძვის მედპერსონალი კოვიდპაციენტთა სიცოცხლის გადასარჩენად
შემდეგი სტატიააუცრელი არამარტო საკუთარ თავს, სოციუმსაც ვნებს – ზურაბ გურული
ტელეკომპანია ოდიშის საინფორმაციო სამსახური