დეკანოზი, დასავლეთ ევროპის ეპარქიის წარმომადგენელი, გერმანიაში მცხოვრები სასული9ერო პირი თამაზ ლომიძე “ფეისბუქზე” წერს, რომ სრულად აცრილია და ყველას ურჩევს, აცრა გაიკეთოს. მისი თქმით, აცრა ამ განსაცდელში ღვთის წყალობაა.
“მე სრულად აცრილი ვარ. ჩემი ოჯახის ყველა წევრიც აიცრა. ვინც აზრს მეკითხება, ყველას ვურჩევ სასწრაფოდ აიცრას. არ გამაჩნია არავითარი შიში და ეჭვი ამასთან დაკავშირებით. აცრა არის ღვთის წყალობა ამ განსაცდელში. აცრა აუცილებელია სიცოცხლის გადასარჩენად და ეპიდემიის დასამარცხებლად. როდემდე უნდა გამოსცადოთ ღმერთი?! ნუ გადააგდებთ ღმერთისგან ნაჩუქარ სიცოცხლეს დაუდევრობისა და რაღაც უაზრო ცრურწმენების გამო. დაფიქრდით და გაიგეთ: დღეს აცრა არის სიცოცხლის გადარჩენა! “, – წერს დეკანოზი.