ჟურნალისტი ბექა ყორშია ანტივაქსერულ კამპანიას ეხმიანება და “ფეისბუქზე: იხსენებს მის ქუვეითელ მეგობართან საუბარს, რომელიც თავად კი აიცრა ორჯერ, მაგრამ ქუვეითში ანტივაქსერთა სიმძლავრის გამო წუხს.
ბექა ყორშიას თქმით, ამ საუბრის დროს ქუვეითელმა მეგობარმა თავის ბიძაშვილ ანტივაქსერს დაუძახა, რომლის ანტივაქსერულმა არგუმენტმა ყოველგვარ მოლოდინს გადააჭარბა.
“ანტივაქსერები ყველა საზოგადოებაში თავისებური ყ**იზმებით ამართლებენ ანტივაქსერობას. ჩემს მეგობარს ველაპარაკებოდი ვიდეო ქოლით ქუვეითში. თვითონ დიდი ხნის წინ აიცრა, მაგრამ სწუხს, რომ ქუვეითის მოსახლეობის მცირე ნაწილი ვაქცინაციას მაინც კატეგორიულად ეწინააღმდეგება. ჩემს ბიძაშვილს, სარის, ისეთი არგუმენტი აქვს ვაქცინის საწინააღმდეგო, გაგიჟდებიო. ჩვენთანაც მოისმენ მსგავს იდიოტობებს, მაგალითად, ერთმა მღვდელმა თქვა, ვაქცინაციის შემდეგ ადამიანი ბლუთუზს იჭერს-მეთქი. არა, ჩემი ბიძაშვილის არგუმენტი ჯობიაო და დაუძახა, სარი, მოდი, ჩემს ქართველ მეგობარს უთხარი, რატომ არ იკეთებ აცრასო. მოვარდა ეს ტიპი და კამერაში გაცხოველებულმა ჩაჰყვირა:
– ამერიკელები ვაქცინაში ღორის სპერმატოზოიდებს ურევენ, რომ ქრისტიანები გავხდეთ…
დამადუმა”, – წერს ბექა ყორშია.