გასული დღე-ღამის განმავლობაში, კოვიდინფექციით საქართველოში 48 ადამიანი გარდაიცვალა, ახალი დაინფიცირების მაჩვენებელმა 5.352 შეადგინა. ამ მონაცემების მიხედვით, სულ საქართველოში, 1-დან 11 აგვისტოს პერიოდში, კოვიდინფექციით გარდაცვლილთა რაოდენობამ 400-ს გადააჭარბა.
შეგახსენებთ, გუშინ, 10 აგვისტოს, საქართველოში კოვიდინფექციით გარდაცვალების 54 შემთხვევა დაფიქსირდა, რაც პანდემიის დაწყებიდან დღემდე ყველაზე მაღალი მაჩვენებლია. ამასთან, “ნიუ იორკ თაიმსის” მონაცემებით, საქართველო მსოფლიოში პირველ ადგილზეა ერთი კვირის განმავლობაში ვირუსის გავრცელების მაჩვენებლით.