გამოცემა Jnews ავრცელებს ინფორმაციას, რომ სამცხე-ჯავახეთში, ნინოწმინდის მუნიციპალიტეტში, აბულის მთაზე, მეხის დაცემის შედეგად 530 სული ცხვარი მოკვდა.
ინფორმაცია გამოცემის რუსულ ვერსიაშია გამოქვეყნებული. როგორც გამოცემა წერს, ცხვრის ნაწილი ადგილობრივი, ნაწილი კი კახელი ფერმერების საკუთრება იყო.
შეგახსენებთ, რომ ერთი ცხვრის ფასი 200 ლარიდან იწყება და 350 ლარამდე აღწევს.