ამბობენ, რომ ეს, სხვადასხვა გვერდზე ფოტომოტივატორის სახით გავრცელებული ფრაზა 2008 წლის აგვისტოში, რუსეთ–საქართველოს ომის დროს, ერთმა ხანშიშესულმა კაცმა მართლაც უთხრა რუს ოკუპანტებს.

რა თქმა უნდა, ამ ფოტოზე კონკრეტულად ის მამაკაცი არაა, ვიზეც ზუგდიდში სახალისო ისტორიას ჰყვებოდნენ, რომელიც შემდეგ, გივი ბერიკაშვილმა “იუმორინას” სცენიდან გააჟღერა:

როცა სამეგრელოში რუსი ოკუპანტების კოლონა შემოვიდა, ზუგდიდის შესასვლელთან მას დახვდა ერთი, 70 წელს გადაცილებული მამაკაცი, რომელსაც ხელში შვილიშვილების მარკერით შესრულებული ტრანსპარანტი ეჭირა.

რუსი ოკუპანტები ამრეზით კითხულობდნენ და ავტომატებს უღერებდნენ კაცს, მაგრამ მას ფეხიც არ მოუცვლია. ტრანსპარანტზე ეწერა: Не стреляй, сынок, может быть я твой отец!

მეორე კურიზული შემთხვევა კი აშშ-ში მყოფ ქართველი ემიგრანტების იმ ნაწილს ეხება, რომლებიც 2008 წელსაც აშშ-ში იყვნენ და იქ სამეგრელოდან მოხვდნენ. უფრო კონკრეტულად, 2008 წლის ომის დროს, ნიუ-იორკში, საქართველოს მხარდამჭერი საპროტესტო აქციის დროს, რომელიც გაეროს ოფისთან გაიმართა, ერთ-ერთი ემიგრანტი მივიდა ლათინურ ენაზე დაწერილი არცთუ თავაზიანი მიმართვით პუტინისადმი: “პუტინ, სქან დიდა…”; “პუტინ, შენი დედაც!…”