დიმიტრი შაშკინი 2008 წლის ომის კულისებზე: “ბევრმა არ იცის…”

0
705

საქართველოს თავდაცვისა და განათლების ყოფილი მინისტრი დიმიტრი შაშკინი 2008 წლის რუსეთ-საქართველოს ომის კულისების შესახებ წერს და იხსენებს იმ საერთაშორისო მხარდაჭერას, რომელმაც მაშინ ჩვენი ქვეყნის სახელმწიფოებრიობა გადაარჩინა.

“ბევრმა არ იცის, რომ ერაყში მყოფი ჩვენი ბრიგადა თბილისში დაბრუნდა ამერიკული სამხედრო თვითფრინავებით, რაც ომის პირობებში იყო პირდაპირი სამხედრო მხარდაჭერა ამერიკის მხრიდან.

ბევრმა არ იცის, რომ თბილისის აეროპორტი რუსეთმა ვერ დაბომბა იმიტომ, რომ ასაფრენ ბილიკებზე იდგნენ ამერიკული ჰერკულესები (სატვირთო თვითმფრინავები).

ბევრმა არ იცის, რომ მე-5 ფლოტის ფლაგმანმა, რომელიც შავ ზღვაში შემოვიდა, თავისი რადარებით გააკონტროლა საჰაერო სივრცე, სამკუთხედით თბილისი-მოსკოვი-ვოლგოგრადი. . და მის მიერ კონტროლებადი სამხედრო პოტენციალი 8-ჯერ აღემატებოდა რუსეთის შავი ზღვის ფლოტის პოტენციალს.

ბევრმა არ იცის, რომ 14.08.08 იორდანიიდან გამოფრენილ ჰერკულესებს მოჰყვებოდა ავიაგამანადგურებლები.

ბევრმა არ იცის, რომ ავიაგამანადგურებლების მეთაურის ფრაზამ, რომ რუსული თვითფრინავების ნებისმიერი აქტიურობა ქართულ ცაში იქნებოდა აღქმული, როგორც იერიში ამერიკის შეერთებულ შტატებზე, ჩაკეტა საქართველოს საჰაერო სივრცე რუსული თვითმფრინავებისთვის.

ბევრმა არ იცის , რომ „აშშ-ს ჰუმანიტარულ მისიას საქართველოში” ოფიციალურად ხელმძღვანელობდა აშშ-ს თავდაცვის მინისტრი გეიტსი.

ამ დროს ისიც ბევრმა არ იცის, რომ რუსული ჯარი საქართველოში შემოჭრაზე და ქართველების მკვლელობაზე დალოცა „ერთმორწმუნე” ქვეყნის პატრიარქმა”, – წერს შაშკინი.

შეგახსენებთ ამავე თემაზე კიდევ ერთ დეტალს: 2015 წლის აგვისტოში დიმიტრი შაშკინმა ერთი მოკლე ტექსტური შეტყობინება გაასაჯაროვა, რომელიც, მისი თქმით, 14 აგვისტოს აშშ-დან, მისი მეგობრისგან მიიღო:

„ეს სმს-ი მივიღე ჩემი ახლო მეგობრისგან, თეთრი სახლიდან 2008 წლის 14 აგვისტოს:

“President’s press conference is in 45 min. Gates will lead the operation. 5th fleet is on its way, Herculeses from Jordan are in the air. GEO will be safe”..

„პრეზიდენტის პრესკონფერენცია 45 წუთში იქნება. გეითსი ოპერაციას გაუძღვება. მეხუთე ფლოტი გზაშია. „ჰერკულესები“ იორდანიიდან ჰაერში არიან. საქართველო უსაფრთხოდ იქნება”.

ყველას უნდა გვახსოვდეს, ვინ არის ჩვენი მეგობარი და ვინ არის მტერი. გამგები გაიგებს, იმედი მაქვს”..

წინა სტატიადედა, რომელიც რუსეთ-საქართველოს ომში დაღუპული შვილის პენსიას გაჭირვებულებს ახმარს
შემდეგი სტატია3344 ახალი შემთხვევა, 30 გარდაცვლილი – ბოლო 24 საათის კოვიდსტატისტიკა
ტელეკომპანია ოდიშის საინფორმაციო სამსახური