ტაჯიკეთის პრეზიდენტის ემომალი რაჰმონის და Covid-19-ით გარდაიცვალა, რის გამოც მისი სამი შვილი ქვეყნის ჯანდაცვის მინისტრსა და საავადმყოფოს დირექტორს თავს დაესხნენ და სცემეს. ინფორმაციას ადგილობრივი მედია ავრცელებს.
პრეზიდენტის 64 წლის და კურბანბი რაჰმონოვა ელიტურ სამთავრობო საავადმყოფოში 20 ივლისს, საავადმყოფოში გადაყვანიდან 10 დღეში გარდაიცვალა. მისი სიკვდილის მიზეზი ოფიციალურად არ გაუვრცელებიათ, თუმცა წყარეობზე დაყრდნობით ადგილობრივი მედია წერს, რომ კურბანბი რაჰმონოვა Covid-19-ისგან გარდაიცვალა.
რამდენიმე კვირის წინ ემომალი რაჰმონის სიდედრიც გარდაიცვალა. კორონავირუსით დაავადდნენ პრეზიდენტის სიძე და ცოლის ძმა . მედიის ინფორმაციით ჰასანამ უკანასკნელის მდგომარეობა მძიმეა.
აქამდე ჯანდაცვის სფეროს წარმომადგენლები თვეების მანძილზე უარყოფდნენ, რომ ტაჯიკეთში კორონავირუსის შემთხვევები არსებობდა.
ბოლო თვეებში მთავრობამ გამოაცხადა, რომ ვირუსთან ბრძოლაში გაიმარჯვა, ამასობაში კი ინფექცია ქვეყანაში სწრაფად ვრცელდებოდა. ის, რომ ვირუსი პრეზიდენტის ოჯახის წევრებში გავრცელდა, ბევრ რამეს ცვლის